Apisar malapit na lang patigayunon ang Miss Universe 2022 pageant, ginkakasan pa sang korona si Miss Universe Bolivia 2022 Fernanda Pavisic.
Ini kasunod sang kontrobersyal sini nga mga pahayag batok sa iban nga mga kandidata sa pageant.
May video nga gin-post si Fernanda kun sa diin ginsilingan sini nga “old ladies” na sanday Miss Paraguay, Miss Brazil kag Miss El Salvador.
Ginpahayag man sini nga nalakip sa ‘thanks for participating’ category sanday Miss Ecuador, Aruba, kag Curaçao.
Wala pa gid siya nakuntento, gindugang pa sini nga transsexuals ang gina-resemble nanday Miss Venezuela kag Miss Peru.
Matapos nag-viral ang amo nga video, nag-post liwat si Fernanda kag nagpangayo sang sorry sa Miss Universe 2022 candidates.
Rason pa ni Fernanda, parte lang kuno sang social experiment ang iya nga ginpanghambal.
Wala ini ginpatihan sang Promociones Gloria, ang official organization nga nagauyat sang franchise sang Miss Universe Bolivia rason nga gin-dethrone gid si Fernanda Pavisic.
Patigayunon na ang 71st Miss Universe Competition sa New Orleans, Louisiana sa Enero 14, 2023.
