𝗜𝗟𝗢𝗜𝗟𝗢 𝗖𝗜𝗧𝗬 – Ginakabig nga ‘best gift’ subong nga paskwa sang beauty queen ang pagkapasar sini sa November 2024 Licensure Examination for Dentists.
Ini amo si Dr. Cara Jeanne Sullano-Del Carmen sang Sta. Barbara, Iloilo kag anak nanday Philippine Councilors League (PCL) Iloilo chapter President Hon. Ramon “Monsik” Sullano kag Dr. Maria Rebecca Fernandez-Sullano.
Si Del Carmen ang isa na registered nurse, former flight attendant kag ginkoronahan man bilang Miss Central Philippine University 2006, Miss Dinagyang 2007 kag Miss Western Visayas PRISAA 2010.
Isa si Del Carmen sa 873 nga mga nakapasar sa 1,287 nga nagkuha sang pasinawan.
Sa interview sang Bombo Radyo kay Del Carmen, iya ginpahayag nga bata pa lang siya, handom na niya nga mangin isa ka dentista sa diin nangin inspirasyon man niya ang iya iloy.
Isa man ini ka registered nurse sa diin nagtapos ini sa kurso nga Bachelor of Science in Nursing sa Central Philippine University sang 2011.
Sa ulihi, nakapamana si Del Carmen sang kaangay man niya nga flight attendant sa diin may duha sila ka mga anak edad anom kag duha ka tuig.
Nagtapos naman ini sang Doctor of Dental Medicine sa Iloilo Doctors’ College sang 2024.
Sa subong, plano ni Del Carmen nga sundan ang tapak sang iya iloy bilang dentista kag magbulig man sa publiko kaangay sang iya amay nga isa ka public servant.
