ILOILO – Bata pa lang, huyog na ni Miss Eco International 2025 Alexie Mae Caimoso Brooks nga magpasakop sa mga pageant.
Sa interview sang Bombo Radyo kay Jennifer Caimoso Cadion, tiya ni Alexie kag tumandok sang Barangay Buga, Leon, Iloilo, iya ginpahayag nga sang yara sa sekondarya ang Ilongga beauty queen, nagpasakop na ini sa pageant.
Suno kay Cadion, tuig 2023 sang nakuha ni Alexie ang titulo nga Miss Buga 2013.
Matapos sini, nagpasakop na si Alexie sa Miss Iloilo 2024.
Ini man ang nangin lyabe agud makapasakop ini sa Miss Universe Philippines 2014 sa diin gintiglawas sini ang Iloilo City.
Ginkoranahan naman ini bilang Miss Eco International Philippines 2025.
Subong nga adlaw, naghatag ini sang dungog indi lang sa ila pamilya kundi sa bug-os nga Pilipinas matapos ginkoronahan bilang Miss Eco International 2025.
Naghibi naman ang pamilya ni Alexie bangud wala sila nagalaom nga makapasakop ini sa international pageant kag makakuha sang korona.
