Wala gihapon nakasulod ang pambato sang Pilipinas nga si Christine Juliana “CJ” Opiaza sa listahan sang Top 8 contenders para sa Miss Popular vote ng Miss Grand International 2024.
Base sa latest rankings nga gin-release kaina sang kaagahon, Oktubre 15, nagapanguna gihapon si Miss Grand Myanmar nga may 53%. Ginasundan ini sang mga kandidata sang Ukraine, Thailand, Mexico, Dominican Republic, Guatemala, Germany kag France.
Ang magapanguna sa sini nga botohay — nga magalawig tubtub sa Oktubre 25 — amo ang direkta nga makakuha sang slot sa Oktubre 25.
Indi ini kinaandan sa pageant scene kun sa diin masami gid nga nagapaulan sang boto ang mga Pinoy sa kandidata sang Pilipinas.
Nagaguluwa naman ang mga komento nga nawad-an na sang gana kag salig ang Filipino pageant fans sa Thailand-based beauty pageant nga ginapangunahan sang media personality kag businessman nga si Nawat Itsaragrisil.
Sa sulod sang 12 ka tuig, wala gid sang Pinay nga nagdaog sa Miss Grand International title kag ginatawag na ini nga “cooking show.”
Pila ka beses na nga nanginwala diri si Nawat kag nagbisita pa sa Pilipinas para sa mas malapit sa mga Pinoy.
Nahibaluan nga si CJ nga pambato subong sang Pilipinas ang isa na ka beauty pageant veteran halin sa Zambales. Magluwas sa Miss Grand Philippines crown, nakuha man sini ang lima ka special awards lakip ang Best in Swimsuit.
Hiwaton ang Miss Grand International 2024 coronation night sa October 25 sa Bangkok, Thailand.#
