GUIMARAS – Koronahan ang pinakauna nga Miss Guimaras kadungan sang Manggahan Festival 2023 nga may tema nga “Mangoes and More”.
Siyam ka mga matahom nga kandidata ang magapaindis-indis dala ang ila tagsa-tagsa ka adbokasiya.
Ang nasambit nga pageant ang may ara sang nagkalain-lain nga category nga ginalakipan sang Mango Cotoure, Festival Costume, Swimwear, Evening Gown, kag Advocacy Interview.
Ang siyam ka mga kandidata amo sanday Anne Janet Mandreza sang Buenavista, Rhomelyn Gange sang Jordan, Rozanne Gabaton sang Nueva Valencia, Darra Lorraine Sadsad sang Sibunag, Kara Athena De Leon sang Nueva Valencia, Khristine Joy Gabayoyo sang Buenavista,Kiera Paderos sang Sibunag, A Zhen Laurente Gayoso sang San Lorenzo kag Rizza Joy Caro sang Jordan.
Ang Miss Guimaras 2023 ang may duha ka mga balantayan nga events nga ginalakipan sang pre-pageant nga patigayunon sa Mayo 13, kag Grand Coronation Night sa Mayo 19 sa diin ang venue amo ang Guimaras Capitol Grounds.
