Engaged na ang model-actress kag Miss International 2016 nga si Kylie Verzosa sa iya non-showbiz fiancée nga si Emil Eriksen.
Sa Instagram post ni Kylie, ginpakigbahin sini ang mga laragway nga suksok ang iya engagement ring.
Suno pa sa post, nangin magkahagugma si Kylie kag Emil sang halos tatlo ka tuig kag ginpasapubliko ini ni Kylie paagi sa isa ka TikTok video sang tuig 2024.
Halin nga nangin opisyal na ang ila relasyon, mag-kaupod na sila nga magtravel sa nagkalain-lain nga lugar kaangay sang France kag Japan.
Nahibaluan nga nangin karelasyon man ni Kylie sang una ang aktor nga si Jake Cuenca kag nagbulagay ang mga ini sang tuig 2022.
