Nag-abot na sa Pilipinas si reigning Miss International Jasmin Selberg para sa iya labing-una nga official visit diri sa pungsod.
Magatambong ang German beauty queen sa coronation sang 59th edition sang Binibining Pilipinas pageant kun sa diin koronahan ang masunod nga tiglawas sang Pilipinas para sa Miss International.
Mainit nga gin-abi-abi si Jasmin sang reigning queens sang Binibining Pilipinas. Yara man si former Miss International Philippines Hannah Arnold nga Top 15 semifinalist sang Miss International pageant sang nagligad nga tuig sa Tokyo, Japan.
Patigayunon ang Binibining Pilipinas 2023 grand coronation night sa Domingo, Mayo 28.
Yara gihapon bilang hosts sanday 2018 Miss Universe Catriona Gray, 2016 Miss Grand International first runner-up Nicole Cordoves, kag yara man si 2014 Miss Universe Philippines Mary Jean Lastimosa. Lauman man ang performance ni Vice Ganda sa pageant night. #
