Anom ka tuig humalin sang natapos ang iya reign bilang Miss Universe, ginagamit sa gihapon ni Catriona Gray ang iya nga platform agud suportahan ang mga advocacies nga malapit sa iya tagipusuon.
Sang nagligad nga adlaw, gin-anunsyo sang former beauty queen nga madinalag-on ini nga nakatipon sang pondo para sa cleft charity nga Smile Train.
Ginpasalamatan niya ang iya mga abyan kag fans sa pagbulig agud makatipon siya sang P250,000, nga gamiton niya para sa cleft care sa mga Filipino nga kabataan.
Gin-engganyo man niya ang iya social media followers nga magbulig man sa ano man nga pamaagi.
Kilala ang Miss Universe 2018 titleholder bangud sa iya efforts para sa madamo nga charities.
Sang nagligad nga tuig, ginhiwat niya ang iya pinakauna nga Legacy Ball agud magtipon sang pondo para sa Young Focus, isa ka non-government organization nga para sa mga underprivileged nga mga pamatan-on.
