Trending si Miss Universe 2018, Catriona Gray matapos ginpakamalaot sang mga netizens sa Twitter.
Ini bangud sang sitwasyon sang bagyo Ulysses sa pungsod apang yara ini sa Columbia agud mangin judge sang nagahilapit nga Miss Universe Colombia pageant.
Sa iya Instagram, nagpost man si Catriona sang iya matahum nga laragway nga nagapatimaan nga may stopover ini sa pungsod Turkey.
Apang gin-ulan ang Miss Universe 2018 sang pagpakamalaot bangud sa ginapahayag nga wala ini nagabulig sa sitwasyon sang bagyo sa pungsod kag wala ini nagapakita sang maayo nga ehemplo bangud nagalagaw ini sa tunga sang pandemya.
Ginresbakan man sang beauty queen ang isa ka komentar sang netizen kag nagsiling nga nagapadayon siya sa pagbulig sa pamaagi sang Philippine red cross sa mga apektado nga bahin sang pungsod.
Gilayon man nga gindpensahan si Catriona sang iya mga fans sa Twitter tuhoy sa trending nga komentar kag pagresbak sini sa Instagram.
