Ginkasal na ang anay Miss Universe nga si Zozibini Tunzi.
Ginpakigbahin sang South African queen sa iya Instagram ang mga laragway sang ila seremonya sang kasal kaupod ang iya partner nga si Luthando Bolowana.
Sa madumduman nagdaog si Zozibini sa Miss Universe pageant sang 2019, kag siya nagbulos sa Filipina beauty queen nga si Catriona Gray.
Si Zozibini ang ikatatlo nga Miss Universe title holder sang South Africa.
Nagbisita si Zozibini sa Manila sang 2023 bilang espesyal nga bisita sa Miss Universe Philippines pageant, kun sa diin nagdaog si Michelle Dee.
Natagaan man siya sang kahigayunan nga makaupod ang kapareho nga Miss Universe queens sang 2021 sa South Africa, nga amo sanday Catriona Gray, Pia Wurtzbach kag Andrea Meza sang Mexico.
