ILOILO CITY – Mangin special guest si Miss Universe 2019 Zozibini Tunzi sa pageant night sang Miss Universe Philippines 2023.
Ini ang gin-anunsiyo sa press presentation sang Miss Universe Philippines.
Gin-introduce naman nga host sang competition ang mga actors nga sanday Xian Lim kag Alden Richards.
Mangin backstage hosts sanday Miss Globe 2021 Maureen Montagne kag ang event organizer nga si Tim Yap.
Samtang, ang “American Idol” runner-up nga si Jessica Sanchez ang mangin guest performer, amo man ang South Korean singer nga si Nam Woo-Hyun.
Ang Miss Universe Philippines 2023 coronation night ang hiwaton sa May 13 sa Mall of Asia Arena sa Pasay City.
Ang winner ang magasunod kay Celeste Cortesi bilang representative sang Pilipinas sa Miss Universe competition.
