ILOILO CITY – Gina-istoryahan subong ang nagagwa nga report nga ginabaligya ang pinaka-prestihiyuso nga beauty pageant sa bilog nga kalibutan nga Miss Universe sa balor nga US$20 million P1.1 trillion.
Ini ang gin-reveal sa report sang isa ka newspaper sa New York.
Sa malawig nga report, ginpahayag nga nabudlayan nga magpangita ang superagent kag CEO sang Endeavor nga si Ari Emanuel sang magabakal sang beauty pageant business.
Ang Endeavor ang nagbakal sang beauty pageant organization nagikan kay anay US president Donald Trump sang 2015.
Para sa Endeavor, ang pagbaligya sang Miss Universe ang makabulig agud nga makalikom sang kwarta para sa iban nga business opportunities.
Ang 2022 Miss Universe pageant ang hiwaton sa December kun sa diin, ipasa sang reigning Miss Universe queen nga si Harnaaz Sandhu ang iya korona.
Tinguha-an ni Miss Universe Philippines 2022 Celesti Cortesi nga dal-on pauli ang ikalima nga Miss Universe crown.
