ILOILO CITY – Indi matuod nga inugbaligya na ang Miss Universe sa balor nga $20 million P1.46 billion bangud naputo na ini.
Suno kay Miss Universe Organization President Paula Shugart, 20 anyos na siya sa industry kag malayo nga ibaligya ini bangud may yara sang pila ka mga butang sa article nga indi insakto.
Lakip na diri ang petsa sang pageant kun sa diin, santo sa article, sa Disyembre ini patigayunon apang ang matuod nga schedule amo sa January sa masunod nga tuig.
Ang 71st Miss Universe coronation night ang ginsaylo sa January agud maghatag sang ligwa sa World Cup sa December.
Wala pa ginsapubliko ang host city apang suno kay Paula, ang venue ang best for tourism, culture, food and fun.
Isa pa sa dako nga balita sa Miss Universe amo nga mahimo na nga magpasakop ang mga kasado kag divorced women kag mangin ang mga iloy.
Apang, ang mga contestants ang dapat nga naga-edad 18 tubtob 28 anyos.
Sang nagligad, ang mga single women kag wala sang kabataan gid lamang ang ginapahanugutan nga mag-compete.
Ang 71st Miss Universe ang pagapasakupan sang 88 ka mga kababainhan nagikan sa nagkalain-lain nga bahin sang kalibutan lakip na ang Pilipinas.
Igapasa ni reigning Miss Universe Harnaaz Sandhu sang India.
Ang Pilipinas naman ang i-represent ni Celeste Cortesi.
