Gin-anunsyo sang Miss Universe Philippines organization ang bag-o nga pagsulundan para sa 2024.
Sa masunod nga tuig, dulaon na ang traditional system nga may screening kun sa diin sila mismo ang nagapili sa official contestants para sa kumpetisyon.
Sa baylo, ipatuman ang bag-o nga programa kun sa diin batunon sa kumpetisyon ang tanan nga kandidata nga ipadala sang accredited partners nga amo ang may otoridad para mag-proklamar kun sin-o ang ila nga representatives halin sa syudad, banwa, probinsya, ukon overseas communities.
Suno kay Miss Universe Philippines National Director Shamcey Supsup-Lee, buot silingon, wala na sang screening sa lebel sang organisasyon kag wala man sang application procedures para sa aspirants nga indi halin sa “Accredited Partnerships Program.”
Ginalauman nga mangin bag-o ini nga plataporma agud nga mas maayo pa nga tiglawas ang ipadala sang pilipinas sa international stage.
Target sang organisasyon nga makakuha sang 80 ka accredited partners sa 2024.
