ILOILO CITY – Gin-athag sang Miss Universe Philippines organization ang pila ka mga speculations may kaangtanan sa pag-walk-out ni Miss Universe Philippines Michelle Dee sa guesting sa isa ka Mexican television show upod sa iban pa nga mga Miss Universe beauties.
Suno kay Darick Cuevas sang Miss Universe Philippines, nga kaupod ni Michelle sa Mexico, naglain ang pamatyag sang Filipina bet.
Pahayag niya, tapos na ang segment sang nag-exit si Michelle.
Ginkuha-an pa ini sang tubig kag ginpakamaayo sang Miss Universe Philippines organization nga pabalikon ini sa hotel agud nga magpahuway bangud sang makapoy nga schedule sang nagliligad nga mga semana.
Sa pinakaulihi nga update sang team sa Mexico, naka-upod na si Michelle sa city tour upod sanday Miss Universe 2023 Sheynnis Palacios kag anum ka iban pa nga mga kandidata.
Sanday Michelle ang nagpadulong sa amo nga pungsod nga mangin masunod nga host sang Miss Universe.
Si Michelle ang nagtapos sa Top 10 sang 72nd Miss Universe pageant sa El Salvador kag nakakuha sang pila ka mga special awards.
Naghimo naman sang history si Sheynnis bangud siya ang pinakauna nga kandidata nagikan sa Nicaragua nga nakadaog sang Miss Universe title.
