ILOILO CITY – Gin-anunsiyo na sang Miss World pageant ang final details sang madugay na nga ginahulat-hulat nga 2023 edition.
Suno sa Philippine franchise sang amo nga pageant, ang Miss World 2023 competition ang hiwaton sa ICC Delhi, India sa December 16.
Ang 71st edition sang pageant ang maga-feature sang 130 delegates nagikan sa nagkalain-lain nga pungsod sa bug-os nga kalibutan.
Si Karolina Bielawska sang Poland ang magakorona sa iya successor.
Ang iban pa nga detalye sa pre-pageant activities ang wala pa gin-anunsiyo.
Ang bugal sang Negros Occidental nga si Gwendolyne Fourniol nga ginkoronahan sang June 2022 ang maga-represent sang Pilipinas.
Tinguha-an niya nga makuha ang ikaduha nga Miss World crown para sa Pilipinas sunod kay Megan Young nga nagdaog sang 2013.
