ILOILO CITY- Nakit-an na ang na-missing nga ulo sang lalaki nga ginchop-chop ang kamot kag ulo kag ginsulod sa sako sa distrito sang La Paz kag Jaro sa Iloilo City.
Ang biktima amo si Kristopher Cabalquinto, 32, sang Barangay 7 Poblacion, San Miguel, Iloilo.
Ang ulo sini ang nasulod sa plastic kay may nasulat nga BABALA SA MGA PUSHER…IBALIK ANG KAMAY NA BAKAL.. PDU30.
Nagapaminaho na ini sang nasapwan kan ginalangawan malapit sa gate sa Phase 1 sang Landheights Subdivision sa Burgos Street, Arevalo, Iloilo City.
Matandaan nga kahapon, nasapwan ang utod sini nga mga kamot nga nasulod sa sako sang feeds sa Zone 2, Barangay Ticud, La Paz, Iloilo City.
Matapos sini, nasapwan man ang lawas sini malapit sa suba sa Zone 1, Barangay Buhang, Jaro, Iloilo City.
Apang wala na ini sang ulo kag mga kamot.
Nahibaluan nga ang sako sa diin nasapwan ang biktima ang gintapikan sang karton nga may tinaga nga, “IBALIK ANG KAMAY NA BAKAL ..BABALA SA MGA PUSHER ..PDU30.”
Magluwas diri, may nakasulat pa gid nga mga tinaga nga, “MERRY CHRISTMAS 2023.”
