JANIUAY, ILOILO – Nagapabilin nga palaligban sa subong sa Janiuay, Iloilo ang sunod-sunod nga pagpatay sa mga hinuptanan nga pabo kag bibe.
Ang makahalangawa pa bangud ginbuksan ang mga tiyan kag ginkuha ukon ginkaon ang kasudlan sang mga ini ilabi na ang ila atay.
Sa interview sang Bombo Radyo kay Charina Mandar, residente sa Sitio Ermita 1 Barangay Bongol, Janiuay, Iloilo, iya ginpahayag nga tuman ang ila kakugmat sang makit-an ang mga patay nga pabo kag pato.
Suno kay Mandar, kaangay sang natabo sa mga pabo sang nagligad nga adlaw, nakita man nila subong nga wasak na ang tiyan sang mga hinuptanan kag wala na sang kasudlan.
Wala man sang inagyan sang dugo ang lawas sang mga ini kag mangin sa palibot.
Subong nga adlaw, ang mga ginpang-atake amo ang mga bibe sa diin nakit-an na lang ang mga ini nga patay na kag nagalinapta sa talamnan.
Ang mga ini ang madamo sang kagat sa nagkalain-lain nga parte sang lawas ilabi na sa tyan.
Ginkuha man ang heart kag ila mga atay.
Sa subong, nagapabilin nga misteryo ang mga hitabo nga ini kag ang madamo nga mga pamangkot ang wala sa gihapon nasabat.
