Lauman ang mixed adjustment sa presyo sang produktong petrolyo sa imbukada nga semana sang Abril.
Base sa pinakaulihi nga trading prices, ang presyo sang gasolina ang posible nga magsaka sang P0.70 per liter samtang gina-antisipar naman nga ang presyo sang diesel ang maganubo sang P0.95 per liter.
Ginalantaw man nga mabuhinan sang P1.20 kada litro ang presyo sang kerosene.
Sang sini lang nga semana, matandaan nga big-time price hike ang ginpatuman kun sa diin P2.20 per liter ang gindugang sa diesel; P1.40 per liter naman sa gasolina; kag P1.30 per liter naman sa kerosene.
Iga-anunsyo sa Lunes ang pinal nga price adjustment samtang ipatuman naman sa Martes ang saka ukon buhin sa presyo.#
