Lauman ang mixed movements sa presyo sang produktong petrolyo sa masunod nga semana.
Yari ang ginabanta nga adjustment nga ipatuman epektibo sa Martes sang aga:
Gasolina – Rollback of P0.40 to P0.70 per liter
Diesel – No adjustment to rollback of P0.20 per liter
Kerosene – Increase of P0.10 to P0.20 per liter
Suno sa Department of Energy-Oil Industry Management Bureau, ginbase ini nga industry estimates sa nagligad nga apat nga adlaw sang international trading.
Ang padayon nga pagsaka sang fuel demand sa Estados Unidos kag ang tensyon sa Middle East amo ang ginalantaw nga mga rason sa pagtaas sa presyo sang fuel products. Sa pihak nga bahin, ang pronouncement ni Israeli Prime Minister Benjamin Netanyahu nga handa sila mag-negosyar sa Lebanon amo naman ang ginalantaw nga makapahagan-hagan sa presyo.
Ipaguwa sang oil companies sa Lunes, Nobyembre 4, ang final price adjustments.
