Nag-file si Mamamayang Liberal (ML) Party-list Representative Leila de Lima sang isa ka hagna nga nagatuyo nga repasuhon ang nangin kasugtanan sa serbisyo sang tubig sa tunga sang mga local nga water district kag mga pribado nga kompaniya.
Ang House Bill No. 2906, nga ginatawag nga “2025 Water Crisis Act,” nagasunod sa kapareho nga hagna nga gin-file ni Senador Risa Hontiveros sa Senado sa ika-20 nga Kongreso.
Suno kay De Lima, ini nga hagna ang nagahandom nga matapna ang mga sistematiko nga problema nga nagabilin sa gobyerno kag pumuluyo nga wala sang pretection batok sa mga indi patas nga kontrata sa sektor sang tubig.
Sa idalom sang hagna, isa ka unified JVA oversight kag legal team ang pagatukuron agud usisaon sa sulod sang isa ka tuig nga Joint Venture Agreements (JVAs) sa tunga sang local water districts kag mga pribado nga kompaniya.
