ILOILO CITY – Natalana nga magdihon sang Memorandum of Agreement ang syudad sang Iloilo tuhoy sa social amelioration program sang Department of Social Welfare and Development.
Sa interview sang Bombo Radyo kay Iloilo City Mayor Jerry Treรฑas, iya ginpahayag ng magapatawag siya sang special session bwas nga adlaw kaupod sang mga konsehal sang syudad kag ang mga taga-Department of Social Welfare and Development, para sa kasugtanan.
Pahayag pa ni Treรฑas, indi man ang ahensya ang naghatag sang deadline kag sa baylo, nagikan sa talatapan sang Department of the Interior and Local Government ang April 3 nga deadline para sa amelioration.
Suno kay Treรฑas, madasig na nila nga ma comply ang mga kinahanglanon bangud waay man sang ginhatag nga tion bilang deadline ang ahensya.
Samtang, magapangita naman si Treรฑas sang lugar nga mahimo sayluhan sang mga Persons Under Investigation kag Persons Under Monitoring bangud indi mahimo magamit ang mga eskwelahan.
Suno kay Treรฑas, nagarequire pa sang Memorandum of Agreement kag iban pa nga papeles ang Department of Education kag ang Department of the Interior and Local Government kag mabudlay na ini nga macomply partikular na subong nga may yara sang krisis.
Pahayag pa ni Treรฑas, nagapangita na sila sang paagi lakip na ang pagpakig-angot sa mga pribado nga sektor nga makahatag sang bulig sa syudad sa ginapangatubang nga krisis sa coronavirus disease 2019.
