Gina-imbestigahan na sang National Privacy Commision ang masobra 90 ka mga mobile lending apps nga nagapakahuya sa mga tawo nga indi makabayad sang utang.
Ini matapos nga may mga reklamo sang pila ka mga nangutang sa app nga ginapakahuy-an sila sa ila mga contacts.
Nahibaluan nga antes makahulam sang kwarta sa mobile lending apps, kinahanglan nga ihatag ang iban nga mga contacts ukon mga cellphone numbers sang imo ka kilala kag iban pa nga detalye.
Suno kay National Privacy Commision Raymund Liboro, lihok sang mobile lending apps nga pakahuy-an ang tawo nga nangutang agud nga makabayad.
Dugang pa ni Liboro, usisaon sang talatapan kun bala insakto ang nangin paggamit sang mga pribado nga datos sang mga nangutang sa lending apps.
Sa subong, gina-imbestigahan na ang 93 ka mga mobile lending apps nga ginareklamo.
