ILOILO CITY – Magabutang sang mobile swab testing booth ang Iloilo City Government sa Iloilo International Airport sa Cabatuan, Iloilo.
Sa interview sang Bombo Radyo kay Iloilo City Mayor Jerry Treรฑas, iya ginpahayag nga ginpasugtan naman ni Iloilo Governor Arthur Defensor Jr., nga magpahamtang ang syudad sang Iloilo sang Swab testing booth sa nasambit nga Airport.
Suno kay Treรฑas, katuyuan sini nga mapadasig ang pagpatigayon sang reverse transcription polymerase chain reaction (RT-PCR) test sa mga locally stranded individuals, returning overseas Filipinos, kag authorized persons outside residence nga magabalik sa Iloilo City.
Magluwas sini suno sa alkalde, katuyuan man nga indi mabudlayan ang mga pumuluyo sa pagpaidalom sa swab test.
Dugang pa sang natungdan, eksklusibo lamang ini para sa mga taga syudad sang Iloilo bangud lain man ang pagsulundan sang probinsya sang Iloilo.
