Ginalauman ang moderate to heavy nga dalagan sang trapiko sa Byernes, Enero 31, 2025 kadungan sang selebrasyon sang Chinese New Year sa Iloilo City.
Sa interview sang Bombo Radyo kay Ret. PCOL Uldarico Garbanzos, head sang Iloilo City Traffic Management Unit, iya ginpahayag nga may mga patigayunon nga road closure sa pila ka dalan sa downtown area sang syudad.
Ginaplano sang talatapan nga magsugod sirado sang dalan sa alas-12 sang udto agud makapreparar sa patigayunon nga Chinese New Year Parade sa alas-4 sang hapon sa Byernes.
Nag-abiso man ang natungdan nga kon naghalin sa ila assembly area sa Aldeguer Street, J. De leon St., Fermin Caram Street, IZNART Street (Filipino-Chinese Friendship Arc) pakadto sa JM Basa Street, magliko sa wala pakadto sa M. Peralta Street, pakadto sa Freedom Grandstand kag magliko sa tuo pakadto sa Ortiz, padulong sa Calasanz pakadto sa ila dispersal area.
Suno kay Garbanzos, nagalaum siya nga magasunod ang motorista sa pagsulundan agud nga indi na makatuga sang huol sa iban nga motorista.
