Nagpahanumdom ang Iloilo City Traffic Management Unit (ICTMU) sa motorista kag publiko nga ma-eksperyensyahan ang moderate to heavy traffic bangud man sa holiday rush.
Sa interview sang Bombo Radyo kay Ret. PCOL. Uldarico Garbanzos, Head sang Iloilo City Traffic Management Unit, iya ginpahayag nga ginalauman sa gihapon ang pagpug-ok sang trapiko ilabi na nga nagahilapit ang paskwa.
Suno kay Garbanzos, apisar sang ma-eksperyensyahan nga moderate to heavy traffic, magapanumbalik man ini sa normal sa Disyembre 26 tubtob na sa bag-ong tuig.
Nagpanugyan man ang natungdan sa motorista nga maghalong ilabi na nga madamo sang mga nagaluntad nga vehicular accident subong nga holiday season.
Ginpahayag man sini nga sundon gid ang mga traffic rules kag likawan ang mangin ‘barumbado’ ukon ‘kamote’ driver.
Gin-ako man ni Garbanzos nga ang Iloilo City ang isa sa may pinakamasako nga dalan sa tion sang paskwa.
