𝗜𝗟𝗢𝗜𝗟𝗢 𝗖𝗜𝗧𝗬— Wala napunggan ang pagpugok sang mga pasahero sa Mohon Terminal kasunod sang pagbukas sang klase sa mga eskwelahan sa Iloilo City.
Sa interview sang Bombo Radyo kay Jr. Thornton, controller sa Mohon Terminal, iya ginpahayag nga masami nga nagakatabo ang pagdugok sang mga pasahero sa terminal kon lunes nga adlaw.
Suno kay Thornton, tuman ka atrasado ang pag-abot sang mga de-pampasahero nga mga salakyan sa terminal bangud man sa tuman ka hinay nga traffic sa Mandurriao.
Ginpahayag man sini nga apisar sang trapiko, naatipan sini sa gihapon nga pasakyon ang mga pasahero bisan late sang tig-pulo ka minutos.
Gintumod man sang natungdan nga sa oras sang alas-7:00 tubtob alas-8:00 sa aga amo ang may pinakadugok nga pasahero sa nasambit nga terminal.
