ILOILO CITY – Ginalauman nga mangin dako ang mabulig sang Uswag Molecular Laboratory sa San Pedro, Molo, Iloilo City.
Sa exclusive interview sang Bombo Radyo kay Iloilo City Mayor Jerry Treñas, iya ginpahayag nga tuman ka importante ang nasambit nga laboratoryo bangud nagabulig ini agud mapadasig ang pagpagwa sang resulta sang reverse transcription polymerase chain reaction (RT -PCR) test.
Suno kay Treñas, gintinguhaan sang Iloilo City Government nga mapadasig ang pagbukas sang Molecular Laboratory nga ginakabig pinakadako sa Western Visayas.
Ginalauman nga maka accomodate sang 400 ka specimen kada adlaw sang sarang nga mabaton sa nasambit nga laboratoryo sa diin may yara ini sang 34 ka mga medical technologists.
Aprubado naman sang nasambit nga laboratoryo sang Department of Health kag Research Institute for Tropical Medicine.
Bwas, buksan na ang Uswag Molecular Laboratory.
Sa nasambit nga laboratoryo, dal-on ang specimen sang RT -PCR test apang ini ang may yara sang bayad nga P3,500.
