Monetary Board sang Bangko Sentral ng Pilipinas, gin-aprubahan na ang P741 billion nga balor sang foreign loans sang Pilipinas

Gin-aprubahan na sang Monetary Board sang Bangko Sentral ng Pilipinas (BSP) ang $15.5 billion ukon P741 billion nga balor sang foreign loans agud nga pondohan ang “efforts” sang Pilipinas batuk sa COVID-19 pandemic.

Suno kay BSP Governor Benjamin Diokno, ang latest figures ang nagalakip sang $1.2 billion ukon P57.40 billion para sa COVID-19 vaccines as of May 7,2021.

Sa idalom sang Philippine Constitution, ang approval sang Monetary Board ang kinahanglan sa tion nga maghulam sang kwarta ang national government.

Pahayag ni Diokno, ginalantaw sang mga economic managers nga ang ratio sang utang sang pungsod sa gross domestic product (GDP) ang nagapabilin nga manubo sa ginarekomenda nga threshold nga 60%.