MAASIN ILOILO– Padayun ang monitoring sa mga pasyente nga yara sa subong sa Gym sang banwa sang Maasin agud mahibaluan kun pila gid sa ila ang konpirmado nga may yara sang dengue.
Sa interview sang Bombo Radyo Iloilo kay Merla Maganto, municipal social welfare officer, kag isa sa mga nagamonitor sa pasyente, iya ginpahayag nga may yara sang 41 ka pasyente sa diin 15 ang kumpirmado nga may dengue apang padayun sa gihapon ang monitoring.
Suno kay Maganto nagakadapat nga magbinuligay ang tanan bangud ang pagpaninlo ang sabat sa pagdamo sang kaso sang dengue.
Nagapakig-angot man sila suno kay Maganto kay Maasin Mayor Francis Amboy agud maistoryahan ang iban pa nga mga kinahanglanon sang mga pasyente.
Nagabulig man suno sa iya sa pagluto sang pagkaon kag sa iban pa nga bagay ang Lesbian, Gay, Bisexual, Transgender (LGBT) Community para sa mga pasyente sang dengue.
Kun may yara naman sang relief goods, ginahatag naman ini sa mga pasyente.
