ILOILO CITY– Ginkalipay sang MORE Electric and Power Corporation ang desisyon sang House Committee on Legislative Franchise, nga ibasura ang re-application for Franchise sang Panay Electric Company.
Sa interview sang Bombo Radyo kay Mr. Ruel Castro , Presidente kag Chief executive Office sang MORE, iya ginpahayag nga nalipay sila bangud ginkilala sang kongreso ang ginhatag sa ila nga prangkisa.
Suno kay Castro , nagalaum sila nga isa ini ka maayo nga panugod para sa MORE.
Ginakabig naman nila nga isa ka pagre-affirm sang ila prangkisa, ang nangin desisyon sang komitiba.
Sa subong suno kay Castro, may yara pa sang mga judicial process nga pending.
Ang pinakamaayo nga mahimo sa subong suno sa natungdan amo ang paghulat sang mangin desisyon sa mga nakapending pa nga mga legal nga proseso, kaangay sang writ of posession.
