Magapadayon ang away sang MORE Electric and Power Corporation para sa expropriation batok sa Panay Electric Company(PECO) bilang bag-o nga electric power provider sa Syudad sang Iloilo.
Ini matapos nga nagmando ang Court of Appeals nga indi pag-ipatuman sang PECO ang Temporary Restraining Order (TRO) agud balabagan ang pag take -over sang MORE sa ila kumpaniya.
Ang petition for declaratory relief with TRO application ang gin-file sa Mandaluyong Regional Trial Court Branch 209 kag respondents amo ang MORE Power; Department of Energy (DOE) , Energy Regulatory Commission (ERC) kag iban pa nga mga ahensya sang gobyerno nga magapatuman sang Republic Act (RA) 11212.
Apang matapos nag-file sang TRO sa korte ang PECO,nagpasaka man sang Complaint for Expropriation ang MORE sa Regional Trial Court (RTC).
Sa interview sang Bombo Radyo kay Atty. Hector Teodosio, legal counsel sang MORE, iya ginpahayag nga ang complaint for expropriation ang remedyo sa idalum sang rules of court kag gina-file sa husgado agud maka-take over sang pribado nga propedad kaangay sang assets sang PECO.
Suno kay Teodosio, ang ila pagpasaka sang kaso ginbase sa Right of Eminent Domain kag bilang pagtuman sa nasaad sa Section 10 kag 17 sang RA 11212 nga nagahatag sang gahum sa MORE agud i-expropriate ang assets sang PECO agud masiguro ang padayon nga supply sang kuryente sa syudad.
Sa maabot nga Abril 3 suno kay Teodosio, may patigayunon nga hearing ang RTC diri sa Iloilo para sa expropriation sang MORE batok sa PECO.
