ILOILO CITY- Gin-utdan sang MORE Electric and Power Corporation sang supply sang kuryente ang main office sang Panay Electric Company sa General Luna St., Iloilo City.
Sa interview sang Bombo Radyo kay Ruel Castro, Presidente kag Chief Operating Officer sang MORE Power, iya ginpahayag nga indi na mahimo magamit sang Panay Electric Company ang 1% nga privilege allowance consumption bangud bag-o na ang power distributor sa syudad sang Iloilo.
Suno kay Castro, nagpadala sila sang notice kag kun luyag sang Panay Electric Company nga ipabalik ang supply sang kuryente, mahimo man ini nga ibalik sang MORE Power.
Ginpahayag ni Castro nga may ginpadala nga notice of disconnection sa balay sang pamilya Cacho apang gin-utod ang linya bangud lain naman nga istorya ang sa bahin sang residential area.
Bukas ang MORE Power suno sa natungdan sa tion nga makapamat-od ang pamilya Cacho nga mag-apply para sa linya sang kuryente.
