ILOILO CITY- Gin-utod sang MORE Electric and Power Corporation ang linya sang Panay Electric Company nga naka-tap sa distribution line.
Sa interview sang Bombo Radyo kay Roel Castro, Presidente kag Chief Executive Officer sang MORE Power, iya ginpahayag nga sang nagpatigayun sang inspeksyon, nakita nga nakakabit sa ila distribution line ang linya sang Panay Electric Company.
Suno kay Castro, indi patas para sa mga konsomidor ang ginhimo sang Panay Electric Company nga pag-tap sa distribution line rason nga gilayun ini nga gin-utod.
Ginpahayag ni Castro nga makabig nga illegal connection ang ginhimo sang anay distribution utility.
Nahibalu-an nga una na nga gin-utdan sang linya sang elektrisidad ang main office sang Panay Electric Company bangud nga wala sang electric meter.
