ILOILO CITY– Ginahulat nalang sang More electric and Power Corporation(More Power)ang mangin desisyon ni Judge Marie Yvette Go sa ila application sang writ of possession .
Sa interview sang Bombo Radyo kay Atty. Hector Teodosio, abogado sng MORE, iya ginpahayag nga nadayun ang ila hearing apang ginbalik na kay Atty. Go ang kaso kag ginhambalan sila sang pairing judge nga si Executive Judge Victor Gelvezon nga magpasa sang position paper.
Suno kay Teodosio indi na nila kinahanglan pa nga magpasa sang position paper bangud sila man mismo ang nagfile sadto sang hearing kag sa subong luyag na nila ini nga untaton.
Kun sundon naman ang rules of Court kag Franchise law sang MORE ang kinahanglan lang amo nga mapahibalo sa defendant nga may yara a sang writ of possession.
Ang ila subong ginahingyo suno kay Teodosio amo nga magrant na ang ila petisyon.
Nagalaum naman sila suno kay Teodosio nga ang masunod nga hearing amo ang para sa just compensation sa diin may yara na sila sang gindeposit nga P480 million nga inisyal requirement sang layi sa writ of possession.
Nahibaluan nga nagfile kuntani suno kay Teodosio sang petisyon ang Panay Electric Company (PECO) nga untaton ang hearing diri sa Iloilo kag sayluhon kuntani sa Manila bangud sa pila ka mga rason apang wala man nadesisyunan sang Korte.
