MORE Power Customer Services Office, bukas na para sa mga konsumidor

ILOILO CITY – Bukas na ang More Power Customer Services Office sang More Electric and Power Corporation sa General Luna, St. Iloilo City Proper.

Sa interview sang Bombo Radyo kay Joy Fantilaga, Community Relations Officer sa idalom sang Customer Care Department sang MORE Power, iya ginpahayag nga nagpatigayon sang inauguration kaina sang aga ang bag-o nga opisina sang MORE.

Suno kay Fantilaga sa tanan nga kunsomidor sang syudad sang Iloilo, mahimo na nga makapadulong sa opisina sang MORE kun may yara sang palamangkutanon.

Paathag niya, kun may yara sang nabaton nga bill ang kunsomidor nga nakapangalan sa Panay Electric Company, kinahanglan gid ini bayaran sa nasambit nga power distributor.

Apang ang More Eectric and Power Corporation ang nakapatigayon na sang cut off reading sang Pebrero 29 kag kun makabaton na sang bill ang konsumidor nga nakapangalan sa nasambit nga power distributor, kinahanglan ini bayaran sa MORE Power.