ILOILO CITY – Ginpanindugan sang More Electric and Power Corporation nga nalakip sa writ of possession ang lote nga tuyo kun tani nga pakudalan sang Panay Electric Company.
Ini ang kasunod sang tensyon nga nagluntad sa tunga sang Panay Electric Company kag sang More Electric and Power Corporation bangud sa tuyo sang pamilya Cacho nga pakudalan ang lote sa PECO compound sa Gen. Luna. St., Iloilo City.
Sa interview sang Bombo Radyo kay Atty. Alyana Mae Babayen-on, legal counsel sang More Electric and Power Corporation, iya ginpahayag nga ang lot 217-A nga ginatumod sang Panay Electric Company ang nalakip sa writ of possession nga ginserbe sang sheriff sang Pebrero 28.
Suno kay Atty. Babayen-on, mabawi lamang ang writ of posession sa tion nga may yara sang court order apang sa tion nga magpasa sang mosyon ang Panay Electric Company, welcome ini para sa More Electric and Power Corporation.
Kun tani suno kay Atty. Babayen-on, maathagan ang tanan agud nga wala na sang gamo nga matabo.
Nahibalu-an nga nahitso na ang nasambit nga isyu kasunod sang pag-istoryahanay sang magtimbang nga bahin.
