ILOILO CITY- Indi na kinahanglan nga magsala-sala ang mga pumuluyo sa kun sin-o ang lehitimo nga power provider sa syudad sang Iloilo.
Ini matapos nagpaguwa sang advisory ang Energy Regulatory Commission para sa mga konsomidor tuhoy sa kun diin sila magabayad sang bill.
Sa interview sang Bombo Radyo kay Roel Castro, President kag Chief Operating Officer sang More Electric and Power Corporation, iya ginpahayag nga klaro nga sila lang ang lehitimo nga power provider sa syudad.
Suno kay Castro, amat-amat naman sila nga nagapaguwa sang electric bill kag posible nga sa Mayo 28 tubtob 30 ang pagsugod sang baydanay.
Ginpahayag ni Castro nga padayon ang pagkaayo sa mga linya agud masigurado nga mahatag ang nagakaigo nga serbisyo para sa mga pumuluyo sang syudad.
