ILOILO CITY – Magapatuman ang MORE Electric and Power Corporation sang staggered payment plan.
Sa interview sang Bombo Radyo kay Niel Parcon, Assistant Vice President, Corporate Planning and Regulatory Affairs sang MORE Power, iya ginpahayag nga ang ini nga tikang ang santo sa ginpagwa nga abiso sang Energy Regulatory Commission (ERC).
Diri kag apat ka bulan nga tungaon ang balaydan sang consumers santo sa ila nakonsumo nga enerhiya halin sa Wholesale Electricity Spot Market (WESM).
Suno kay Parcon, katuyuan sini nga mapahagan-hagan ang balaydan sang mga consumers kasunod sang natabo nga heatwaves kag grid alerts nga ginpatuman sa Luzon kag Visayas.
Paathag ni Parcon, ang ini nga staggered payment plan ang para sa mga residential consumers.
Ini ang mangin epektibo para sa mga nakabaton sang bills umpisa subong nga adlaw, Hunyo 18, 2024 tubtob Hulyo 12, 2024.
Para sa dugang nga ihibalo, magpadulong lang sa opisina sang MORE Power sa Hotel del Rio ukon magtawag sa 24/7 hotline number nga 330-6673.
