ILOILO CITY – Gin-athag sang More Electric and Power Corporation nga sila na ang nagabayad sa Panay Energy Development Corporation (PEDC) kag Panay Power Corporation (PPC) umpisa sang Pebrero 29, 2020.
Ini ang baliskad sa nangin pahayag sang Panay Electric Company nga sila sa gihapon ang nagabayad sang kuryente sang syudad.
Sa interview sang Bombo Radyo kay Roel Castro Presidente kag Chief Operating Officer ang More Power, iya ginpahayag nga Pebrero 29 tubtob Marso 25 ang cover sang ila ginbaydan sa PEDC kag PPC.
Suno kay Castro, wala siya sang ihibalo kun ano ang nangin basehan sang PECO sa ila nangin pahayag.
Nagapatimaan lamang ini nga ang More Power amo ang power distribution utility sa syudad.
Samtang ginsiguro naman ni Castro nga nubo ang balaydan sa kuryente sang mga kunsomidor.
Para sa mga yara sa residential areas pahayag niya, ang total effective rate nga baydan sang kunsomidor ang nagabalor sang P9.61/kWh.
