ILOILO CITY– Nagsabat ang MORE Electric and Power Corporation tuhoy sa pag-deny sang Korte Suprema sa petition for a temporary restraining order kag writ of preliminary injunction batok sa ruling sang Mandaluyong City Regional Trial Court Branch 209 nga nagadeklarar sang duha ka provision sang franchise law sang power firm nga unconstitutional.
Ang comment ang ginhimo mismo ni Atty. Hector Teodosio, counsel sang plaintiff nga MORE Power sa diin nangin defendant naman ang Panay Electric Company.
Si Atty. Teodosio ang nagpasa sini kay Hon. Daniel Antonio Gerardo Amular, presiding judge sang Branch 35 sang Regional Trial Court sa Ramon Avanceña Hall of Justice.
Suno kay Atty. Teodosio, ang urgent manifestation sang Panay Electric Company ang ila nga ginbase sa resolution sang Korte Suprema nga napetsahan sang Agusto 14, 2019 nga nagadeny sa application sang MORE Power para sa temporary restraining order ukon writ of preliminary injunction.
Nasaad man sa nasambit nga comment nga ang buot silingon sang Korte Suprema sa ila pagdeny sang application sang temporary restraining order amo nga paghatag sang pagtahod sa tuyo sang MORE Power sa pagpugong sa Panay Electric Company sa paggamit sang mga tinaga nga “make permanent” sang portion sang temporary restraining order sang Marso 14, 2019.
Dugang pa sang natungdan, ang resolusyon sang Korte Suprema sang Setyembre 2, 2019 ang nagamando lang kay Hon. Marie Yvette Go, presiding judge sang Branch 37 sang Regional Trial Court nga maghatag sang kumento kag indi mag show cause.
Gin-athag man sang abogado nga wala nagpaguwa ang Korte Suprema batok sa MORE Power kag sa Korte nga i-suspend ukon pauntaton ang expropriation proceeding.
