May pagtaas sa power rates sang MORE Electric and Power Corporation para sa bulan sang Septyembre.
Suno sa MORE Power, ini bangud sa pagnipis sang supply sang kuryente nga amo man ang rason nga nagdeklarar ang National Grid Corporation of the Philippines sang Yellow Alert Status sang Agosto.
Ang pagnipis sang suplay sang kuryente ilabi na sa Visayad grid ang bangud sa pag-shutdown sang 14 ka mga generation plants sang nagligad nga bulan.
Sa subong nga bulan, nagsaka sa ₱12.44 per kWh ang residential rate halin sa ₱10.88 per kWh ukon may pagdugang nga ₱1.56 per kWh.
Yara naman sa ₱11.76 per kWh ang commercial rate halin sa ₱10.19/kWh.
Suno sa MORE Power, ang pagtaas sang rate ang bangud sa nagtaas sang generation cost kag ang pagtaas man sang presyo sang kuryente sa Wholesale Electricity Spot Market (WESM).
Matandaan nga sang Agusto, nagpagwa sang serye sang paandam ang NGCP angot sa Yellow Alert Status sa Visayas Grid.
Ang rates sang kuryente sa WESM subong ang yara sa ₱6.1437 per kWh halin sa ₱4.9128 per kWh sang Hulyo.
Sa pihak sang pagsaka sa balaydan sa kuryente, ginsiling sang MORE Power nga ginapangitaan nila sang paagi nga mahagan-hagan ang epekto sini sa mga konsumidor.
