Magapangita na lang sang temporaryo nga simbahan ang pila ka mga myembro sang Muslim Community sa San Pedro, Molo, kasunod sang nalakip sa sunog ang ila Mosque.
Sa interview sang Bombo Radyo kay Csim Tinga, myembro sang Muslim Community, iya ginpahayag nga ang panapton ang makit-an kag mabakal liwat, apang ang kabuhi ang indi na mabaylohan pa.
Suno kay Tinga, wala sang bisan isa ka gamit ang iya naluwas bangud sa madasig nga paglapta sang kalayo.
Ginpahayag man sini nga indi magnubo sa anom ukon pito na ka tuig sang gintukod ang Mosque sa nasambit nga barangay.
Nagalaum man ini nga bisan sa gamay lang nga lugar makahiwat kag makatipon sila sang ila kautoran nga Muslim agud nga makasimba apisar nga nasunog na ang ila ginakabig balaan nga Mosque.
