ILOILO – Apisar mabudlay, wala nangin upang sa isa ka Most Outstanding Female Solo Parent ang pagpadako sini sa iya anak apisar isa siya ka solo parent.
Ini amo si Roselia Jardenil, 56, sang Barangay Pagsangaan, Pavia, Iloilo kag may isa ka anak.
Si Jardenil ang ginpasidunggan kadungan sang Ang Ilongga Awards.
Sa interview sang Bombo Radyo kay Jardenil, iya ginpahayag nga apisar wala siya sang bana, napalibutan ini sang iya pamilya kag mga abyan nga naghatag sang pagpalangga sa iya.
Suno kay Jardenil, nahatag man sini ang pagpalangga nga kinahanglanon sang iya anak, apang indi man malikawan nga makaangkon man ini sang problema sa pinansyal ilabi na nga yara na ini sa kolehiyo.
Sa subong, nagaserbe si Jardenil bilang presidente sang Federation of Solo Parents, Luzvimin Inc. humalin pa sang 2022.
Bilang isa ka solo parent, suportado man sini ang pag-ammend sang Republic Act 8972 ukon ang Solo Parents’ Welfare Act of 2000.
