Pagtuo kag sinsero nga katuyuan sa kabuhi ang gin-uyatan sang Ilonggo nga ginpasidunggan bilang Most Outstanding Graduate of Batch 2025 sang John B. Lacson Foundation Maritime University-Arevalo.
Ini amo si Deck Cadet John Michael Peñolbo, tumandok sang San Dionisio, Iloilo kag nakatapos sang degree program nga Bachelor of Science in Marine Transporation.
Sa interview sang Bombo Radyo kay Peñolbo, iya ginpahayag nga wala man ginbugayan sang maayo nga pangabuhi ang iya pamilya, manggaranon man ini sang kapisan kag paghimakas kag mayo nga relasyon sa Diyos.
Suno kay Peñolbo, ang iya hugot nga pagtuo nga gin-updan sang dedikasyon ang rason kun nga madamo siya sang nalab-ot sa kabuhi sa iya bataon nga edad.
Gin-ako man sini nga madamo man siya sang kapaslawan apang wala niya ini ginakabig nga negatibo nga butang bangud kahigayunan ini agud mas mangin maayo pa kag mas mangin determinado.
Isa man sa may dako nga papel sa iya kabuhi amo pagka-malapit sang iya pamilya sa simbahan kun sa diin isa ka katekista ang iya lola.
Sa pagkamatuod, naimpluwensiyahan siya sang iya lola kun ngaa maayo ang iya relasyon sa Diyos.
Nahibaluan nga si Peñolbo ang kalakip sa grupo kaupod ang iya iloy nga nagapangamuyo sang Santo Rosaryo sa Bombo Radyo.
