Natalana na nga magbyahe ang pinakamabaskog nga naval ship sang United Kingdom kaupod ang iban pa nga mga warships sa West Philippine Sea sa diin ginatawag ini sang Royal Navy nga “most significant deployment” sa sulod na sang 25 ka tuig.
Sa ginpaguwa nga statement sang Royal Family, ang HMS Queen Elizabeth ang magasakop sa 26,000 nautical miles sa 25 ka semana humalin sa Mediterranean tubtob sa West Philippine Sea.
Ang 65,000 ton carrier ang may dala nga mga British kag US fighter jets kag may 250 US marines pa bilang kabahin sang 1,700 nga mga crew.
Antes pa man ang deployment, ginbisita ni Queen Elizabeth ang aircraft nga ginpangalan sa iya.
