Magasaulog sang duha ka mga dalagko nga okasyon ang Archdiocese of Jaro sa palaabuton nga Abril 1 tubtub 2 sa Jaro Metropolitan Cathedral.
Ini amo ang Golden Sacerdotal Jubilee ni Most Rev. Jose Romeo O. Lazo, D.D. Archbishop-emeritus of Jaro, kag ang Solemn Canonical Installation ni Most. Rev. Midyphil B. Billones, D.D., bilang ika-pito nga Metropolitan Archbishop sang Jaro.
Sa interview sang Bombo Radyo kay Fr. Agelo Collada, Director sang Commission on Social Communications sa Archdiocese of Jaro, iya ginpahayag nga sa Abril 1, Martes, alas-9 sang aga, may pagahiwaton nga Solemn Pontifical nga misa para sa ika-50 nga anibersaryo sang pagkapari ni Lazo.
Sa alas-4 naman sang hapon, patigayunon ang Arrival and Civic and Liturgical Reception ni Billones.
Samtang, sa Abril 2 naman, patigayunon ang procession sa alas 8:30 sa aga halin sa Archbishop Residence padulong sa Jaro Metropolitan Cathedral.
Sa alas 9 sa aga, patigayunon naman ang Solemn Pontifical Mass kag rite of Canonical Installation ni Billones.
Ginaagda naman ni Collada ang mga tumuluo nga magtambong sa nasambit nga kahiwatan.
