Nagpahanumdom si Most Rev. Midyphil B. Billones, Arsobispo sang Jaro Metropolitan Cathedral sang matuod nga kahulugan sang Palm Sunday ukon Domingo de Ramos.
Ini nga indi dapat malipatan sang Kristiyanong katilingban ang dako nga sakripisyo nga ginbuhat ni Hesus para sa kaluwasan sang mga tawo.
Sa iya homily kaina sang aga, ginpunto sini ang importansya sang paghinulsol kag pag-reflect sang tagsa ka tumuluo sa ila mga sala, ilabi na sa pagsugod sang Holy Week nga ginatawag man sini nga “the holiest of all weeks.”
Suno kay Billones, ang pagsakripisyo ni Hesus nagapakita sang iya paghigugma sa katawhan nga asta sa iya kamatayon gindumdum sini ang iya pagpalangga sa iya mga anak.
Gin-agda man niya ang mga tumuluo nga ini nga tyempo, tion agud maghinulsol kag paghibalo sa kayo sang Diyos sa katawhan.
Nagpangabay man si Billones nga ang tagsa ka Kristiyano makapamalandong kag makabatyag sang matuod nga kahulugan sang sakripisyo ni Kristo samtang ginasaulog ang sini nga semana.
