MAASIN, ILOILO – Patay ang wanted person sang Janiuay, Iloilo matapos nagbato sa otoridad sang ginserbehan sang warrant of arrest sa Brgy. Trangka, Maasin, Iloilo.
Ang napatay amo si Yolly Armada sang Brgy. Quipot, Janiuay, Iloilo.
Suno kay Lieutenant Nelson Caro, hepe sang Maasin Municipal Police Station, naga-inom si Armada sa balay sang Punong Barangay sang Trangka sang nag-abot ang mga pulis.
Nagdalagan suno sa hepe si Armada dala palupok sang pusil apang ang puno sang kahoy ang naigo.
Nagbalos palupok ang mga pulis kag naigo si Armada sa liog kag tuhod nga nagresulta sa iya kamatayon.
Ginakabig nga ‘armed and dangerous’ si Armada nga masami nga nagapakawal sang armas-luthang.
Nakuha sang otoridad ang 357 nga pusil ni Armada.
Nahibalu-an nga si Armada ang ginpasakaan sang kaso nga murder bangud sa pagluthang-patay sa isa ka CAFGU member sa Brgy. Quipot sang 2005.
