ILOILO CITY – Indi pa sa gihapon matumod sang otoridad kun ano ang matibo sa natabo nga pagpang-ambush sa Brgy. Dalicanan, Passi City.
Nahibalu-an nga patay sa nasambit nga insidente amo si Al Francis Alarilla, 36 anyos samtang pilason naman sanday Lodovico Claridad, 35 anyos kag Joebert Mandate, 37 anyos, lunsay sang Brgy. Tagubong, Passi City.
Sa interview sang Bombo Radyo kay P/Supt. Arturo Fullero, hepe sang Passi City Police Station, iya ginpahayag nga nagaguwa sa pagpangusisa nga hinali lang nga nagbahar ang motorsiklo nga ginasakyan sang 3 ka wala pa makilala nga mga suspek sa tricycle nga ginsakyan sang mga biktima.
Dead on the spot si Alarilla matapos maka-angkon sang pilas sa ulo samtang pilason naman sanday Mandate kag Claridad.Santo sa panaysayon sang mga biktima, halin sila sa baylihan kag nagapapauli na sang natabo ang insidente kag wala man sila sang may naka-away.
Road rage ang ginasundan nga motibo sa insidente apang wala man ginadula sang otoridad ang iban pa nga rason sa pagpang-amabush.Ginpahayag man sang hepe nga .357 Magnum revolver ukon caliber 38 revolver ang gingamit sang mga suspek sa pagluthang sa mga biktima.
